کراچی: بلدیہ گلشن غازی گھر میں بے قابو واٹر ٹینکر حادثے کو 25 گھنٹے بیت گئے، مگر انتظامیہ کی بے حسی کے باعث واٹر ٹینکر کو تاحال گھر سے باہر نہ نکالا جاسکا۔
اے آر وائی نیوز کے مطابق انتظامیہ کی لاپرواہی کے باعث پولیس کو مشینری نہیں مل سکی، علاقہ مکینوں کا کہنا ہے کہ گھرسے جنازہ اٹھ گیا ہے مگر پولیس نے تاحال ٹینکر کو نہیں نکالا ہے۔
واضح رہے کہ گزشتہ روز کراچی کے علاقے بلدیہ گلشن غازی میں تیز رفتار واٹر ٹینکر بے قابو ہو کر گھر میں جا گھسا تھا جس کے نتیجے میں ایک شخص جاں بحق اور 2 بچیوں سمیت 3 افراد زخمی ہوگئے تھے۔
پولیس حکام کے مطابق تیز رفتاری کے باعث واٹر ٹینکر ڈرائیور سے بے قابو ہو کر گھر سے جا ٹکرایا اور دیوار توڑتے ہوئے گھر میں داخل ہوگیا، جس سے گھر کے اندر سویا ہوا ایک شخص جاں بحق دو بچیوں سمیت تین افراد زخمی ہوئے، جاں بحق اور زخمیوں کو چھیپا ایمبولینس کے ذریعے سول اسپتال منتقل کیا گیا۔
ڈی آئی خان: چیک پوسٹ پر دہشتگردوں کاحملہ ناکام
جاں بحق شخص کی شناخت عامر ولد توفیق جبکہ زخمی نصیر حسین ولد توفیق کے نام سے ہوئی، تیرہ سال کی راحیلہ اور دو سال کی مناہل بھی زخمیوں میں شامل ہیں۔