ڈی آئی خان: کالی وانڈہ کی چونڈہ چیک پوسٹ پر دہشتگردوں کے حملے کو ناکام بنا دیا گیا، ہائی الرٹ ہونے کے باعث پولیس نے فوری جوابی کارروائی کی۔
اے آر وائی نیوز کے مطابق پولیس کی بھرپور جوابی کارروائی کے باعث دہشت گرد فرار ہونے میں کامیاب ہوگئے۔ ڈی آئی خان پولیس اور سیکیورٹی فورسز کی بھاری نفری کو جائے وقوعہ پر روانہ کردیا گیا۔
پولیس ذرائع کا کہنا ہے کہ فائرنگ کے تبادلے میں کوئی نقصان نہیں ہوا ہے، جبکہ سیکورٹی کو مزید سخت کردیا گیا ہے۔
اس سے قبل خیبر کی تحصیل باڑہ میں ایف سی اور پولیس چیک پوسٹ پر نامعلوم دہشت گردوں کے حملے میں دو جوان شہید جبکہ چھ شدید زخمی ہوگئے تھے۔
اقدام قتل کے مقدمے میں مطلوب اشتہاری ملزم ابوظہبی سے گرفتار
خیبر کی تحصیل باڑہ میں ایف سی اور پولیس چیک پوسٹ پر نامعلوم دہشت گردوں نے حملہ کیا تھا، جس کے نتیجے میں دو جوان شہید جبکہ 6 ایف سی اور پولیس جوان زخمی ہوگئے تھے۔