پنجاب میں دھند کا راج، موٹر ویز کے متعدد سیکشنز بند

لاہور: ملک کے مختلف علاقوں میں دھند کا راج ہے اور موٹر ویز کے کئی سیکشنز بند کر دیے ہیں جس کے باعث مسافر پھنس کر رہ گئے ہیں۔

اے آر وائی نیوز کے مطابق ملک کے مختلف علاقوں میں دھند کا راج ہے اور کئی مقامات پر حد نگاہ انتہائی کم ہو گئی ہے، جس کے باعث موٹر ویز کے کئی سیکشنز بند کر دیے گئے۔

موٹروے ایم فور شیرشاہ سے فیصل آباد تک دھند کی وجہ سے بند کردی گئی ہے، جبکہ موٹروے ایم تھری سمندری سے درخانہ تک اور لاہور سیالکوٹ موٹروے کو دھند کی وجہ سے بند کر دیا گیا ہے۔

موٹر وے پولیس نے شہریوں کو دوران سفر احتیاطی تدابیر اختیار کرنے کی ہدایت کرتے ہوئے کہا ہے کہ موٹر ویز کو عوام کی حفاظت اور محفوظ سفر یقینی بنانے کے لیے بند کیا جاتا ہے۔

ترجمان موٹر ویز نے موجودہ صورتحال میں عوام کو غیر ضروری سفر اور تیز رفتاری سے گریز کرنے، دوران ڈرائیونگ فوگ لائٹس استعمال کرنے اور اگلی گاڑی سے مناسب فاصلہ رکھنے کی ہدایت کی ہے۔

شدید دھند میں ریلوے ٹریک کو صاف شفاف دکھانے والا جدید سسٹم متعارف

ترجمان نے کہا کہ دوران سفر کسی بھی صورتحال میں معلومات اور مدد کے لیے ہیلپ لائن 130 سے رابطہ کریں۔

اپنا تبصرہ بھیجیں