پاکستان رواں سال ایک لاکھ 25 ہزار ٹن آم ایکسپورٹ کرے گا

منچن آباد: پاکستان رواں سال ایک لاکھ 25 ہزار ٹن آم ایکسپورٹ کرے گا۔

تفصیلات کے مطابق پاکستان میں آموں کی مجموعی پیداوار 8.1 ملین ٹن ہے، جب کہ پاکستان 2023 میں ایک لاکھ 25 ہزار ٹن آم بیرون ممالک ایکسپورٹ کرے گا۔

جنوبی پنجاب کے آموں کے حوالے سے رپورٹ میں کہا گیا ہے کہ پاکستان میں آم کی 70 فی صد پیداوار جنوبی پنجاب کے گرم اور مرطوب علاقوں میں ہوتی ہے، جن میں ضلع ملتان، مظفرگڑھ، لودھراں، بہاولپور، رحیم یار خان جب کہ سندھ میں میرپورخاص ڈویژن سرفہرست ہے۔

پاکستان سے آم متحدہ عرب امارات، ایران، چین، افغانستان، روس، اور دیگر سینٹرل ایشین ممالک کے علاوہ امریکا، یورپ اور براعظم افریقہ اور آسٹریلیا میں بھی برآمد کیا جاتا ہے۔

پاکستان میں آموں کی مشہور اقسام میں دسہری، انور رٹول، موسمی چونسہ، ثمر بہشت، فیض عام، لنگڑا، کالا چونسہ، مالدہ، فجری، سندھڑی، اور لیٹ انور رٹول شامل ہیں، ان کے علاوہ پاکستان میں 30 سے زائد مختلف قسم کے آم پیدا ہوتے ہیں۔

اپنا تبصرہ بھیجیں