ملک میں چینی کی قیمتوں میں اضافے کا نیا ریکارڈ قائم

اسلام آباد : ملکی تاریخ میں پہلی بار چینی کی قیمت 160 روپے فی کلو تک پہنچ گئی ، کراچی اور اسلام آباد میں چینی 160 روپے میں فروخت ہورہی ہے۔

تفصیلات کے مطابق ملک میں چینی کی قیمتوں میں اضافے کا نیا ریکارڈ قائم کردیا اور ملکی تاریخ میں پہلی بارچینی کی قیمت160روپے فی کلو تک پہنچ گئی۔

ادارہ شماریات نے بتایا کہ کراچی اور اسلام آباد میں چینی کی فی کلوقیمت 160روپےتک ہوگئی ہے جبکہ کوئٹہ میں چینی کی قیمت 152روپے فی کلو، راولپنڈی،لاہور ،خضدارمیں چینی کی قیمت150روپےفی کلو تک ہے۔

پشاور میں بھی فی کلو چینی کی قیمت150 روپے تک پہنچ گئی جبکہ سیالکوٹ میں 148،گوجرانوالہ میں 146روپے، فیصل آباد،سرگودھا،حیدرآباد میں چینی کی قیمت145روپے فی کلوفروخت ہورہی ہے۔

ادارہ شماریات کے مطابق لاڑکانہ میں چینی کی فی کلو قیمت145روپے اور سکھر،بنوں،بہاولپور میں چینی کی قیمت140روپے فی کلو تک ہے۔

اپنا تبصرہ بھیجیں