سونے کی قیمت میں اضافے کے بعد کمی

کراچی : عالمی مارکیٹ میں سونے کی قیمتوں میں کمی کے بعد مقامی سطح پر بھی معمولی کمی دیکھی گئی ہے، تازہ ترین اطلاعات کے مطابق فی تولہ قیمت میں سو روپے کمی کی گئی ہے۔

تفصیلات کے مطابق ملکی صرافہ مارکیٹوں میں سونے کی فی تولہ قیمت میں معمولی کمی ریکارڈ کی گئی ہے
ایک سو روپے کی کمی سے فی تولہ سونا 2 لاکھ 22 ہزار800 روپے کا ہوگیا۔

عالمی بلین مارکیٹ میں سونے کی قیمتوں میں ہفتے کے روز سونے کی فی اونس قیمت 4 ڈالرز کمی سے 1962 ڈالرز فی اونس کی سطح پر آگئی، جس کے نتیجے میں پاکستان میں بھی سونے کی قیمتوں میں کمی دیکھی گئی۔

عالمی منڈی میں کمی کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ ، حیدر آباد، سکھر، گوجرانوالا، فیصل آباد، راولپنڈی سمیت دیگر جگہوں پر فی تولہ سونے کی قیمت 100 روپے کی معمولی کمی سے 2 لاکھ 22 ہزار 800 روپے ہوگئی۔

اسی طرح مقامی صرافہ مارکیٹوں میں 10 گرام سونے کی قیمت 257 روپے کی کمی سے ایک لاکھ 91 ہزار 15 روپے رہی۔ یاد رہے کہ گزشتہ روز سونے کی فی تولہ قیمت میں 1800روپے اضافہ ہوا تھا۔

اپنا تبصرہ بھیجیں